№29 "Нұрсая" бөбекжай-бақшасы" коммуналдық мемлекеттік қазыналық кәсіпорыны бірінші ғимарат 2015 жылдың 1-ші маусым айынан бастап  жұмыс жасап келеді.  Бірінші ғимарат 280 орындық, 12 топқа арналған, 12 қазақ, тобы жұмыс жасайды.  Екінші ғимарат 2019 жылдың 3-ші желтоқсан  айынан бастап жұмыс жасап келеді. 320 орындық, 16 топқа арналған, 16 қазақ тобы жұмыс жасайды. Жұмыс күні 5 күндік. Демалыс күндері: сенбі, жексенбі. Бірінші ғимарат 2015 жылы, екінші ғимарат 2019 жылы бөбекжайға балаларды қабылдау Атырау қалалық білім бөлімінің жолдамасымен іске асырылған. 2019 жылдың маусым айынан бастап баланы балабақшаға қабылдау - мектепке дейінгі білім беру саласында мемлекеттік қызметтерді алуға арналған indigo24.kz бірыңғай портал арқылы жүзеге асырылуда. Бөбекжай бірінші ғимаратының жалпы ауданы 11461 шаршы метр, бірінші ғимаратының жалпы ауданы 17661 шаршы метр.

Болашаққа баспалдақ балабақшадан басталады

Балабақшаның ел болашағы мақсатындағы маңыздылығы айқын. Әсіресе, қазіргідей күн сайын қарыштап дамыған қоғамда бүлдіршін шақтан заман ағымына ілесе алатындай қабілетті жеке тұлға болып қалыптасуға бөбектердің балабақшада бейімделетіні анық. Жақсы өмір сүруге талпыныс, ортаға икемділік, салауатты өмір салтына дағдылану, міне, мұның барлығын бала мектепке дейінгі білім ұйымдарының қабырғасында жүріп үйренуі тиіс. Елбасы балаларды мектепке дейінгі білім беру ұйымдарымен қамтамасыз ету мақсатында «Балапан» бағдарламасы арқылы 2020 жылға дейін балабақшамен толық қамту міндеті қойылды. Осы бағдарлама негізінде Атырау қалалық әкімдігінің 19 қаңтарда 2015 жылғы №59 қаулысымен «Қалалық білім бөлімі» мемлекеттік мекемесіне қарасты №29 «Нұрсая» бөбекжай-балабақшасы құрылды. Облыс әкімі Б.С.Измухамбетовтің ашуымен іске қосылып, 2015 жылдың 1 маусымынан бастап, нақты балабақшаға балаларды қабылдады.

2015 жылдың 17 ақпанынан бастап, қалалық білім бөлім басшысы Н.Сайлауованың №51 бұйрығымен Мұғауова Баян Орынбасарқызы директор болып тағайындалды. Баян Орынбасарқызы-қызметтің әр саласында жауапкершілік артатын және әртүрлі жағдайдың шешімін білгірлікпен таба білуді талап ететін жұмысты мақсатқа қоя отырып, балабақашаны басқарып келеді.

Балабақша құрылысын салған бас мердігер- «СтройТехКомплект» ЖШС

Ғимарат екі қатарлы, іші кең, жарық, таза, соңғы үлгіде заман талабына сәйкес жабдықталған. 12 топтық 280 орынды қамтиды.

Балдырғандарды қарсы алатын, ойнайтын, тамақтанатын, жуынатын, демалатын орындар, бәрі өте жоғары үйлесімділікпен жарасым тапқан. Балабақша Нұрсая шағын ауданы, 11 көше, құрылыс28 орналасқан.

Оқу-әдістемелік және тәрбиелік мәні бар шараларды өткізуге балабақшада барлық жағдай жасалған. 

Біздің балабақшалар-тәрбиешілер арқылы өздерінің алға қойған мақсаттарын жүзеге асыра отырып, егемен еліміздің саналы да сапалы ертеңін тәрбиелеуде үлкен жауапкершілікке бастау алады. Осы орайда жетістіктеріміз де аз емес.

Саз жетекшісі Жайлашева Динара Жаңабайқызы «Білім беру мазмұнын жаңарту жағдайында педагогтың кәсіби құзіреттілігі мен білім сапасын арттыру» қалалық XVIII педагогикалық оқуда-III дәрежелі диплом, 2017ж,   І-Республикалық «Серпер» балалар шығармашылығы фестиваль-байқауында– Үздік ұстаз, 2017ж.

Дене шынықтықтыру нұсқаушысы Бисекешова Зульфия Серікқызы - «Білім беру мазмұнын жаңарту жағдайында педагогтың кәсіби құзіреттілігі мен білім сапасын арттыру» қалалық XVIII педагогикалық оқу - Алғыс хат, 2017ж, Қалалық «Үздік дене шынықтыру нұсқаушысы» сайсында-ІІ орын, 2017ж.

Тәрбиеші Сарғойшина Нұрлы Қалалық «Үздік жыл тәрбиешісі-2016» сайысында-ІІ орын. Ал тәрбиеленушілеріміздің жетістіктері:

І-Республикалық «Серпер» балалар шығармашылығы фестиваль-байқауында Табиғат Сабина – ІІ дәрежелі диплом, Бақытжан Амира – ІІІ дәрежелі диплом, 2017 ж.

Мектеп жасына дейінгі балалар шығармашылығының «Айгөлек» қалалық фестивалінде «Вокал» номинациясы Бақытжан Амира – Алғыс хат, «Саз аспабында ойнау» номинациясы – ІІІ дәрежелі диплом, 2017ж, мектеп жасына дейінгі бүлдіршіндер арасындағы қалалық «Көркем сөз көсемі» атты мәнерлеп оқу сайсы Жеткіншек Аяулым – ІІ дәрежелі диплом

Қалалық «Мәңгілік Ел» идеясын балалар шығармашылығы арқылы іске асыру мақсатында өткізілген «Әлем балалар көзімен» сурет салу байқауы Русланұлы Бекжан – ІІІ дәрежелі диплом, Балабақша аралық “Салауатты балдырған” Диплом II орын  2016ж.

Жас ұрпақ тәрбиесіне елеулі үлес қосып, ата-аналар қауымының ықылыасына бөленген бірлігі жарасқан ұжым 2017 жылы Республикалық «Отбасы және балабақша» журналына да жарияланды.